- 32 સંગઠનોના પ્રતિનિધિઓ કરશે રાષ્ટ્રજીવનના મહત્વના મુદ્દાઓ પર મંથન

- વર્ષ 2026માં જુલાઈ સુધીમાં સવા લાખથી વધુ લોકોએ રાષ્ટ્રીય સ્વયંસેવક સંઘ સાથે જોડાવા માટે ઓનલાઈન નોંધણી કરાવી

- નોંધણી કરાવનારાઓમાં 65 ટકા લોકો 30 વર્ષથી ઓછી ઉંમરના

અમદાવાદ,19 ઑગસ્ટ (હિ.સ.) આજથી રાષ્ટ્રીય સ્વયંસેવક સંઘની ‘અખિલ ભારતીય સમન્વય બેઠક’ વિશાખાપટ્ટણમ નજીક આવેલા ગુડિલોવાના ‘વિજ્ઞાન વિહાર’ વિદ્યાલયમાં યોજાઈ રહી છે.

બેઠક પૂર્વે મંગળવારે વિજ્ઞાન વિહારમાં યોજાયેલી પત્રકાર પરિષદ દરમિયાન સંઘના અખિલ ભારતીય પ્રચાર પ્રમુખ સુનીલ આંબેકરજીએ જણાવ્યું હતું કે બેઠક 19 ઑગસ્ટના રોજ સવારે 9:00 વાગ્યે શરૂ થઈને 21 ઑગસ્ટની સાંજ સુધી ચાલશે.

દર વર્ષે યોજાતી આ અખિલ ભારતીય સમન્વય બેઠકમાં સંઘની પ્રેરણાથી કાર્યરત કુલ 32 સંગઠનોના પ્રમુખ પદાધિકારીઓ ભાગ લેશે. બેઠકમાં પૂજનીય સરસંઘચાલક ડૉ. મોહન ભાગવત, સરકાર્યવાહ દત્તાત્રેય હોસબાલે, તમામ સહ સરકાર્યવાહ તથા અન્ય

સમન્વય બેઠકમાં સંઘની પ્રેરણાથી કાર્યરત વિવિધ સંગઠનો - જેમ કે ભારતીય મજૂર સંઘ, વિશ્વ હિન્દુ પરિષદ, ભારતીય જનતા પાર્ટી, અખિલ ભારતીય વિદ્યાર્થી પરિષદ, ભારતીય કિસાન સંઘ, રાષ્ટ્ર સેવિકા સમિતિ સહિત અન્ય સંગઠનોના રાષ્ટ્રીય અધ્યક્ષો, મહામંત્રીઓ, અખિલ ભારતીય સંગઠન મંત્રીઓ તથા પસંદગીના કાર્યકર્તાઓ ભાગ લેશે.

બેઠકમાં વિવિધ સંગઠનોના 49 મહિલા કાર્યકર્તાઓ સહિત કુલ 253 પ્રમુખ કાર્યકર્તાઓ તથા સંઘના પદાધિકારીઓને મળીને કુલ 327 પ્રતિનિધિઓની ઉપસ્થિતિ અપેક્ષિત છે.

તેમણે સ્પષ્ટ કર્યું હતું કે આ બેઠક કોઈ નિર્ણય લેનારી અથવા કાર્યકારી બેઠક નથી, પરંતુ તેનો મુખ્ય ઉદ્દેશ સમાજહિતમાં કાર્યરત વિવિધ સંગઠનો વચ્ચે પરસ્પર અનુભવોનું આદાન-પ્રદાન કરવાનો છે. બેઠકમાં વિવિધ સંગઠનો વચ્ચેના પારસ્પરિક સમન્વયને વધુ સુદૃઢ કેવી રીતે બનાવી શકાય, તે અંગે પણ ચર્ચા થશે. આ ઉપરાંત સમકાલીન અને વર્તમાન પરિસ્થિતિને લગતા વિવિધ વિષયો પર પણ વિચારવિમર્શ કરવામાં આવશે.

દેશની વર્તમાન સ્થિતિ, સામાજિક પરિવર્તન તથા સમાજ સામે ઊભી થતી વિવિધ સમસ્યાઓ અંગે બેઠકમાં ચર્ચા થશે. વસ્તી અસંતુલન, ડેમોગ્રાફિક પરિવર્તન (વસ્તી-રચનામાં થતા ફેરફારો) તેમજ તેના કારણે ઊભી થતી ચિંતાઓ અને તેના નિવારણના ઉપાયો અંગે પણ બેઠકમાં વિચારવિમર્શ કરવામાં આવશે.

યુવાનોને નશાથી દૂર રાખવા માટે હાલમાં કયા પ્રયાસો કરવામાં આવી રહ્યા છે અને આવનારા સમયમાં તમામ સંગઠનો આ દિશામાં શું કરી શકે, તે અંગે પણ બેઠકમાં ચર્ચા થશે. નશામુક્તિની સાથે યુવાનોમાં જાગૃતિ અને સકારાત્મક ચેતના કેળવવા માટેના અન્ય વિષયો પર પણ વિચારણા કરવામાં આવશે.

તેમણે જણાવ્યું હતું કે સંઘના શતાબ્દી વર્ષ નિમિત્તે સંઘ દ્વારા નિર્ધારિત ‘પંચ પરિવર્તન’ ના વિષયો પર પણ ચર્ચા કરવામાં આવશે:

સંઘના સ્વયંસેવકો તથા વિવિધ સંગઠનોના કાર્યકર્તાઓએ ‘પંચ પરિવર્તન’ ના આ પાંચેય વિષયો પર પોતાના પ્રયાસો શરૂ કરી દીધા છે. હવે શતાબ્દી વર્ષ પૂર્ણ થયા બાદ આ વિષયોને વધુ વ્યાપક રીતે કેવી રીતે આગળ ધપાવવા અને તેમાં વિવિધ સંગઠનોની શું ભૂમિકા રહેશે, તે અંગે પણ બેઠકમાં ચર્ચા કરવામાં આવશે.

તેમણે વધુમાં જણાવ્યું હતું કે વિકાસના મોડેલ અંગે સતત ચર્ચા થતી રહે છે. વિકાસ અંગેનો આપણો અભિગમ અને વિકાસની આપણી સંકલ્પના શું હોવી જોઈએ, તે પણ મહત્વનો વિષય છે. વિકાસને માત્ર આર્થિક વૃદ્ધિ પૂરતો સીમિત કરી શકાય નહીં; તેના અનેક પરિમાણો એકબીજા સાથે સંકળાયેલા છે.

બેઠકમાં આ તમામ પરિમાણો અંગે પણ ચર્ચા થશે અને આવનારા સમયમાં વિવિધ સંગઠનો પોતાની-પોતાની કાર્યયોજનાઓ ઘડશે. આર્થિક પાસાંની સાથે સમાજજીવનના તમામ ક્ષેત્રો વચ્ચે સંતુલન સ્થાપિત કરનારા એક સર્વાંગી ‘ભારતીય વિકાસ મોડેલ’ અંગે વિસ્તૃત ચર્ચા કરવામાં આવશે.

સંઘના શતાબ્દી વર્ષ દરમિયાન સમાજમાં આરએસએસ પ્રત્યેનું આકર્ષણ નોંધપાત્ર રીતે વધી રહ્યું છે. સંઘની વેબસાઇટ પર ઉપલબ્ધ ‘ JOIN RSS’ ના માધ્યમથી વર્ષ 2025માં જાન્યુઆરીથી જુલાઈ દરમિયાન 55,423 લોકોએ સંઘ સાથે જોડાવા માટે નોંધણી કરાવી હતી. જ્યારે વર્ષ 2026માં આ જ સમયગાળા દરમિયાન આ સંખ્યા અઢી ગણાથી વધુ વધીને 1,23,287 થઈ ગઈ છે.

જુલાઈ 2025માં સંઘ સાથે જોડાવા માટે નોંધણી કરાવનારાઓની સંખ્યા 9,718 હતી, જ્યારે જુલાઈ 2026માં 24,086 લોકોએ સંઘ સાથે જોડાવાની ઇચ્છા વ્યક્ત કરી છે.

આ નોંધણી કરાવનારાઓમાં 30 વર્ષથી ઓછી ઉંમરના યુવાનોનો હિસ્સો આશરે 65 ટકા છે, જ્યારે 40 વર્ષથી ઓછી ઉંમરના લોકોનો હિસ્સો 85 ટકા છે.

પત્રકાર પરિષદ દરમિયાન દક્ષિણ મધ્ય ક્ષેત્રના સહ સંઘચાલક દુસી રામકૃષ્ણ તથા અખિલ ભારતીય સહ પ્રચાર પ્રમુખ પ્રદીપ જોશી ઉપસ્થિત રહ્યા હતા.

હિન્દુસ્થાન સમાચાર / હર્ષ શાહ