મોસ્કો, નવી દિલ્હી,20 ડિસેમ્બર

(હિ.સ.) રશિયાના રાષ્ટ્રપતિ વ્લાદિમીર પુતિને કહ્યું છે કે,’ તેઓ યુક્રેન યુદ્ધ પર

અમેરિકી રાષ્ટ્રપતિ ડોનાલ્ડ ટ્રમ્પ સાથે વાત કરવા તૈયાર છે.’ પુતિને કહ્યું કે,’

યુદ્ધ ખતમ કરવા માટે રશિયા અને યુક્રેન બંનેએ સમજૂતી કરવી પડશે. આ માટે કોઈ શરત

નથી.’

વાસ્તવમાં, એક નિવેદનમાં, અમેરિકી રાષ્ટ્રપતિ ડોનાલ્ડ ટ્રમ્પે કહ્યું હતું કે,” તેઓ

પદ સંભાળ્યાના થોડા કલાકોમાં યુક્રેન શાંતિ સમજૂતી પર પહોંચી જશે.” આ અંગે રશિયાના

રાષ્ટ્રપતિ વ્લાદિમીર પુતિને વર્ષની છેલ્લી પ્રેસ કોન્ફરન્સમાં કહ્યું હતું કે,”

તેઓ અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પ સાથે કોઈપણ

સમયે વાતચીત માટે તૈયાર છે.” પુતિને વધુમાં કહ્યું કે,” રશિયા અત્યારે 2022માં હશે તેના

કરતા વધુ મજબૂત સ્થિતિમાં છે. યુક્રેનમાં રશિયન લશ્કરી પ્રગતિ હોવા છતાં, તે વાતચીત અને

સમાધાન માટે તૈયાર છે.”

પ્રેસ કોન્ફરન્સમાં, પુતિને એ પણ સ્વીકાર્યું કે,” યુક્રેનમાં લડાઈ જટિલ છે

પરંતુ રશિયન સેના ચોક્કસપણે યુક્રેનિયન સશસ્ત્ર દળોને કુર્સ્ક પ્રદેશમાંથી બહાર

કાઢશે.” તેમણે કહ્યું કે,” અમારા લોકો લડી રહ્યા છે. અત્યારે લડાઈ ચાલી રહી છે અને

ગંભીર લડાઈ ચાલી રહી છે. ચોક્કસ અમારી સેના તેમને હાંકી કાઢશે, બીજો કોઈ રસ્તો

નથી.”

હિન્દુસ્થાન સમાચાર / આકાશ કુમાર રાય / પ્રભાત મિશ્રા

હિન્દુસ્થાન સમાચાર / ડો.હિતેશ એન.વ્યાસ