ચતરા (ઝારખંડ),19 એપ્રિલ (હિ.સ.) રાજ્યના ચતરા જિલ્લાના તાંડવામાં કાર્યરત એનટીપીસી પ્લાન્ટમાં શુક્રવારે ભીષણ આગ ફાટી નીકળી હતી. આગ લાગવાનું કારણ જાણી શકાયું નથી. ઘટનાને પગલે પ્લાન્ટમાં ચારે તરફ અફરાતફરીનો માહોલ સર્જાયો હતો. એનટીપીસીના જીએમએ આગ પર કાબૂ મેળવવા માટે ફાયર બ્રિગેડને બોલાવી છે. આગમાં લાખોનું નુકસાન થવાનો અંદાજ છે.
આગ અને કોલસાની જ્વાળાઓને કારણે સમગ્ર વિસ્તાર ધુમાડાથી ભરાઈ ગયો છે. તાંડવા બ્લોક વિસ્તારના લોકોને ધુમાડાના કારણે શ્વાસ લેવામાં તકલીફ પડી રહી છે. જણાવવામાં આવી રહ્યું છે કે ઘટનાના લગભગ 45 મિનિટ બાદ પણ આગ ઓલવી શકાઈ નથી.
હિન્દુસ્થાન સમાચાર/વંદના/ચંદ્ર પ્રકાશ