શેરી નાટક અને સ્વચ્છતા સંગીત બેન્ડ દ્વારા સ્વચ્છતાનો સંદેશ આપવામાં આવ્યો.
મહાકુંભ નગર, નવી દિલ્હી, 07 જાન્યુઆરી (હિ.સ). સરકારી એજન્સીઓ, જનપ્રતિનિધિઓથી માંડીને શહેરના તમામ રહેવાસીઓ એક દિવ્ય, ભવ્ય અને સ્વચ્છ મહાકુંભ માટે ઉત્તર પ્રદેશની યોગી સરકારના ઠરાવને અમલમાં મૂકવાના પ્રયાસો કરી રહ્યા છે. સ્વચ્છ મહા કુંભના સંદેશને લઈને, શહેરમાં સ્વચ્છ રથયાત્રાનું આયોજન કરવામાં આવ્યું હતું, જેમાં મોટી સંખ્યામાં જનભાગીદારી જોવા મળી હતી.
સ્વચ્છ રથયાત્રાએ સ્વચ્છ મહાકુંભની ભાવના જાગૃત કરી
મહાકુંભ નગરનો માર્ગ પ્રયાગરાજ શહેરમાંથી પસાર થાય છે. આવી સ્થિતિમાં મહાકુંભમાં આવતા તમામ શ્રદ્ધાળુઓ અને પ્રવાસીઓ જ્યારે શહેરમાંથી પસાર થાય ત્યારે તેમને સ્વચ્છ પ્રયાગરાજની ઝલક મળે તેવા સંકલ્પ સાથે શહેરમાં સ્વચ્છ રથયાત્રા કાઢવામાં આવી હતી. સ્વચ્છ મહાકુંભનો સંદેશો આપવા માટે મેયર ગણેશ કેશરવાની એ ચોક કોતવાલી ખાતેથી આ યાત્રાને લીલી ઝંડી આપી પ્રસ્થાન કરાવ્યું હતું. ગણેશ કેશરવાની એ જણાવ્યું હતું કે, સ્વચ્છ મહાકુંભ માટે મુખ્યમંત્રી યોગી આદિત્યનાથના સંકલ્પને ધ્યાનમાં રાખીને સ્વચ્છતા રથ કાઢવામાં આવ્યો છે. પ્રયાગરાજ સ્વચ્છ, સ્વસ્થ અને શિસ્તબદ્ધ બને તે માટે આ જન જાગરણ યાત્રા કાઢવામાં આવી છે. લોકોને જ્યાં-ત્યાં કચરો ન ફેંકવા, ડસ્ટબીનનો ઉપયોગ કરવા, સિંગલ યુઝ પ્લાસ્ટિકનો ઉપયોગ ન કરવા અપીલ કરવામાં આવી રહી છે. આમાં સ્થાનિક નાગરિકોનો મોટો સહયોગ મળી રહ્યો છે.
શેરી નાટક અને સ્વચ્છતા સંગીત બેન્ડ દ્વારા પણ સંદેશો આપવામાં આવ્યો
મહાનગરપાલિકા દ્વારા શહેરના કોતવાલી ચોકથી આ સ્વચ્છતા રથયાત્રા કાઢવામાં આવી હતી. જેમાં વિશાળ સ્વચ્છ રથમાં માં ગંગાની ભવ્ય પ્રતિમાની સાથે વૃક્ષો અને છોડથી સુશોભિત મહાકુંભનું પ્રતિક સાધુઓની શિલ્પ તૈયાર કરવામાં આવી હતી. શહેરના જુદા-જુદા માર્ગો પર ફર્યા હતા. રથયાત્રા રામ ભવન ચોકડી પર સમાપ્ત થઈ હતી. આ સ્વચ્છતા રથયાત્રામાં સ્ટ્રીટ થિયેટરના કલાકારો રથની આગળ વિવિધ રંગોના ડસ્ટબીન લઈને પોતાનું પ્રદર્શન આપી લોકોને સૂકા અને ભીના કચરા માટે અલગ-અલગ રંગના ડસ્ટબીનનો ઉપયોગ કરવાનો સંદેશ આપી રહ્યા હતા. રથયાત્રા જ્યાંથી પસાર થઈ ત્યાં તેનું સ્વાગત કરવામાં આવ્યું હતું. રથયાત્રામાં મોટી સંખ્યામાં સફાઈમિત્રો અને મહાનગરપાલિકાના કાર્યકરો પણ જોડાયા હતા.
હિન્દુસ્થાન સમાચાર / રામ બહાદુર પાલ / વિદ્યાકાંત મિશ્રા
હિન્દુસ્થાન સમાચાર / માધવી વ્યાસ
08 Jan 2025
