જૂનાગઢ,13 ઓક્ટોબર (હિ.સ.) ગુજરાતની વિકાસ યાત્રાને અવિરત ચાલુ રાખી નાગરિક પ્રથમ અભિગમની સાથે લોકાભિમુખ, સક્રિય શાસનના પગલાના ભાગરૂપે રાજય સરકાર દ્વારા સમગ્ર રાજયમાં દર વર્ષે વિકાસ સપ્તાહની ઉજવણી કરવામાં આવે છે.

શહેરી વિકાસ વર્ષ- 2025 અન્વયે મહાનગરપાલિકા તંત્ર, જૂનાગઢ દ્વારા અનેક પ્રજાલક્ષી કાર્યક્રમોનું આયોજન કરવામાં આવ્યું છે. જેના અનુસંધાને શહેરી જનોની આરોગ્યલક્ષી સુખાકારી જળવાઈ રહે, લોકોમાં સ્વદેશી ચીજ વસ્તુઓની ખરીદી પ્રત્યે જાગૃતિ વધે, લોકલ વેપારીઓને રોજગારી પ્રાપ્ત થાય તે હેતુથી સ્વદેશી અપનાઓ, લોકલ ફોર વોકલ મુવમેન્ટને પ્રોત્સાહન મળે, આત્મનિર્ભર ભારત વગેરે સ્લોગન સાથે મહાનગર પાલિકા, જૂનાગઢ દ્વારા વોકેથોન/ દોડ કાર્યક્રમનું આયોજન કરવામાં આવ્યું હતું.

જેમાં મ્યુનિસિપલ કમિશનર તેજસ પરમાર, ડેપ્યુટી મેયર આકાશ કટારા, સ્થાયી સમિતિના ચેરપર્સન પલ્લવી ઠાકર, નાયબ કમિશનર ડી.જે.જાડેજા, શહેર ભાજપ પ્રમુખ ગૌરવ રૂપારેલીયા, દંડક કલ્પેશ અજવાણીના વરદ હસ્તે લીલી ઝંડી આપીને પ્રસ્થાન કરાવવામાં આવ્યું હતું.

વોકેથોનનો રૂટ મહાનગર સેવા સદન, આઝાદ ચોકથી એમ.જી.રોડથી કાળવા ચોક જયશ્રી રોડથી તળાવ ગેટથી મહાનગર સેવા સદન, આઝાદ ચોક સુધીનો રાખવામાં આવ્યો હતો. આ વોકેથોન કાર્યક્રમમાં જિલ્લા રમત ગમત અધિકારી મનીષ ઝીલડીયા, ઈલે.ઈજનેર હાજા ચુડાસમા, ઓફીસ સુપ્રી. જીગ્નેશ પરમાર, પર્યાવરણ ઈજનેર રાજેશ ત્રિવેદી, રમત ગમત કોચ પ્રશાંત દેશાઈ, હિલદારી ગ્રુપના સદસ્યઓ અને બહોળી સંખ્યામાં શહેરીજનો ઉપસ્થિત રહ્યા હતા.

હિન્દુસ્થાન સમાચાર / ભરતસિંહ જાદવ