શ્રીનગર, નવી દિલ્હી,૦5 ઓક્ટોબર (હિ.સ.)

જમ્મુ અને કાશ્મીર પોલીસે 22 એપ્રિલના રોજ

પહેલગામ હુમલામાં સામેલ આતંકવાદીઓને ચાર વખત મળેલા એક ઓવરગ્રાઉન્ડ વર્કર (ઓજીડબ્લ્યુ) ની ધરપકડ કરી છે.

તેણે તેમને એન્ડ્રોઇડ ફોન ચાર્જર પૂરો પાડ્યો હતો, જે એક મહત્વપૂર્ણ પુરાવા હતો જેના કારણે તે

પકડાયો હતો.

અધિકારીઓએ રવિવારે જણાવ્યું હતું કે,” સપ્ટેમ્બરના છેલ્લા

અઠવાડિયામાં પહેલગામના રિસોર્ટ શહેરમાં 26 પ્રવાસીઓને ગોળી મારીને મારી નાખનારા ત્રણ આતંકવાદીઓને

મહત્વપૂર્ણ લોજિસ્ટિકલ સપોર્ટ પૂરો પાડવા બદલ સુલેમાન ઉર્ફે આસિફ, જિબ્રાન અને હમઝા

અફઘાનીની ધરપકડ કરવામાં આવી હતી.”

અધિકારીઓએ જણાવ્યું હતું કે,” કટારીએ પૂછપરછ દરમિયાન

પોલીસને જણાવ્યું હતું કે, તે શ્રીનગર શહેરની બહાર ઝબરવાન હિલ્સમાં ત્રણ

આતંકવાદીઓને ચાર વખત મળ્યો હતો.”

જુલાઈમાં શરૂ કરાયેલ આતંકવાદ વિરોધી કાર્યવાહી, ઓપરેશન મહાદેવ, શ્રીનગરની બહાર

ઝબરવાન રેન્જની તળેટીમાં પહેલગામ હત્યાકાંડમાં સામેલ ત્રણ આતંકવાદીઓને માર્યા ગયા

હતા. ઓપરેશન દરમિયાન મળી આવેલી ઘણી વસ્તુઓમાંથી એક, આંશિક રીતે નાશ પામેલા એન્ડ્રોઇડ મોબાઇલ ફોન

ચાર્જરની તપાસ કર્યા પછી પોલીસે 26 વર્ષીય મોહમ્મદ યુસુફ કટારી પર, ધ્યાન કેન્દ્રિત કર્યું.

શ્રીનગર પોલીસે આખરે ચાર્જરના મૂળ માલિકને શોધી કાઢ્યો, જેણે ફોન એક

ડીલરને વેચવાની પુષ્ટિ કરી. આ માહિતી ધીમે ધીમે પોલીસને કટારી સુધી લઈ ગઈ.

અધિકારીઓએ જણાવ્યું હતું કે,” ઘટનાસ્થળેથી મળેલી સામગ્રીના

ફોરેન્સિક વિશ્લેષણ પછી, કટારીની ધરપકડ સફળ રહી હતી. કટારી ઊંચાઈવાળા વિસ્તારોમાં,

વિચરતી વિદ્યાર્થીઓને ભણાવતો હોવાનું કહેવાય છે. એવું માનવામાં આવે છે કે, તેણે

ચાર્જર પૂરા પાડ્યા હતા અને હુમલાખોરોને મુશ્કેલ પ્રદેશમાં માર્ગદર્શન આપવામાં મદદ

કરી હતી.”

હિન્દુસ્થાન સમાચાર / બલવાન સિંહ / સુનિત નિગમ

હિન્દુસ્થાન સમાચાર / માધવી વ્યાસ