સ્પર્ધામાં 6 થી 14 વર્ષના બાળકો ભાગ લઈ શકશે

ગીર સોમનાથ, 22 નવેમ્બર (હિ.સ.) : ગીર સોમનાથ રમત-ગમત, યુવા અને સાંસ્કૃત્તિક પ્રવૃત્તિઓ વિભાગ, ગાંધીનગર દ્વારા પ્રેરિત, કમિશ્નર યુવક સેવા અને સાંસ્કૃતિક પ્રવૃતિઓની કચેરી, ગાંધીનગર દ્વારા આયોજીત તેમજ જિલ્લા યુવા અને સાંસ્કૃતિક પ્રવૃતિઓની કચેરી, ગીર સોમનાથ દ્વારા સંચાલિત જિલ્લા કક્ષા બાળ નાટ્ય અને બાળ નૃત્ય નાટિકા સ્પર્ધા યોજાશે.

આ સ્પર્ધામાં જિલ્લાના ૬ થી ૧૪ વર્ષના બાળકો ભાગ લઈ શકશે. એક કૃતિમાં ઓછામાં ઓછા ૧૨ અને વધુમાં ૧૬ સ્પર્ધકો ભાગ લઈ શકશે. આ સ્પર્ધાનું નિયત નમુનાનું ફોર્મ ભરીને તા.૨૬/૧૧/૨૦૨૫ બપોરે ૧૨:૦૦ કલાક સુધીમાં કચેરીના કામકાજના દિવસો દરમિયાન તથા કચેરી સમય દરમિયાન જિલ્લા યુવા અને સાંસ્કૃતિક પ્રવૃતિઓની કચેરી, રુમ નં.૩૧૩/૩૧૪૪, બીજો માળ, જિલ્લા સેવા સદન, મુ. ઇણાજ તા. વેરાવળ ખાતે જમાં કરવાના રહેશે.

---------------

હિન્દુસ્થાન સમાચાર / ભરતસિંહ જાદવ