- ભારત-નેધરલેન્ડ્સે નિયમો-આધારિત ઈન્ડો-પેસિફિક ક્ષેત્ર માટે સહિયારી પ્રતિબદ્ધતા પર ભાર મૂક્યો

નવી દિલ્હી, 18 ડિસેમ્બર (હિ.સ): સંરક્ષણ મંત્રી રાજનાથ સિંહે, ગુરુવારે નેધરલેન્ડ્ વિદેશ મંત્રી ડેવિડ વાન વીલ સાથે મુલાકાત કરી. બંને મંત્રીઓએ સંરક્ષણ સાધનોના સહ-વિકાસ અને સહ-ઉત્પાદન માટેના પ્રાથમિકતા ક્ષેત્રો સહિત દ્વિપક્ષીય સુરક્ષા અને સંરક્ષણ મુદ્દાઓની શ્રેણી પર ચર્ચા કરી. બંને મંત્રીઓ સંરક્ષણ સહયોગ વિકસાવવા પર ધ્યાન કેન્દ્રિત કરીને બંને સૈન્ય વચ્ચે સહયોગ વધારવા સંમત થયા.

બેઠકમાં ભારત અને નેધરલેન્ડ્સની મુક્ત, ખુલ્લા, સમાવિષ્ટ અને નિયમો-આધારિત ઈન્ડો-પેસિફિક ક્ષેત્ર માટે સહિયારી પ્રતિબદ્ધતા પર ભાર મૂકવામાં આવ્યો. બંને મંત્રીઓએ સંરક્ષણ ભાગીદારી અને બંને દેશોના સંરક્ષણ ઉદ્યોગોના એકીકરણની જરૂરિયાત પર ભાર મૂક્યો, ખાસ કરીને વિશિષ્ટ ટેકનોલોજીના ક્ષેત્રમાં. સંરક્ષણ સચિવ રાજેશ કુમાર સિંહ અને ભારતમાં નેધરલેન્ડ્સના રાજદૂત, શ્રીમતી મારીસા ગેરાર્ડ્સે, બંને મંત્રીઓની હાજરીમાં બંને દેશો વચ્ચે સંરક્ષણ સહયોગ પર ઈરાદા પત્રનું આદાન-પ્રદાન કર્યું.

સંરક્ષણ મંત્રીએ જણાવ્યું હતું કે, બંને દેશો ટેકનોલોજી સહયોગ, સહ-ઉત્પાદન અને પ્લેટફોર્મ અને સાધનોના સહ-વિકાસ માટે સંરક્ષણ ઔદ્યોગિક રોડમેપ વિકસાવીને પરસ્પર લાભના ઓળખાયેલા ક્ષેત્રોમાં સંરક્ષણ સહયોગ શોધવા માંગે છે. રાજનાથ સિંહે કહ્યું કે બંને દેશો વચ્ચેના લોકો-થી-લોકોના સંબંધો ખૂબ જ મજબૂત છે અને નેધરલેન્ડ્સમાં મોટો ભારતીય ડાયસ્પોરા મિત્રતાને મજબૂત કરવા માટે સેતુ તરીકે કામ કરી રહ્યો છે.

હિન્દુસ્થાન સમાચાર / સુનીત નિગમ / સંજીવ પાશ

હિન્દુસ્થાન સમાચાર / માધવી વ્યાસ