નવી દિલ્હી, 8 મે (હિ.સ.) બોલિવૂડ અભિનેતા અજય દેવગન ફિલ્મ 'રેડ-2' ને લઈને ચર્ચામાં છે. આ ફિલ્મને હાલમાં બોક્સ ઓફિસ પર દર્શકો તરફથી સારો પ્રતિસાદ મળી રહ્યો છે. 'રેડ 2' બોક્સ ઓફિસ પર 'સિકંદર', 'જટ્ટ', 'કેસરી 2', 'ફૂલે' અને 'ગ્રાઉન્ડ ઝીરો' જેવી ફિલ્મો કરતાં વધુ સારું પ્રદર્શન કરી રહી છે. 1 મેના રોજ રિલીઝ થયેલી આ ફિલ્મની કમાણી દિવસેને દિવસે વધી રહી છે. એવું જોવા મળી રહ્યું છે કે માત્ર 48 કરોડ રૂપિયાના બજેટવાળી ફિલ્મ 'રેડ-2', 100 કરોડ રૂપિયાના ક્લબમાં જોડાશે.

રાજ કુમાર દ્વારા દિગ્દર્શિત 'રેડ-2', 2018 માં આવેલી ફિલ્મ 'રેડ' ની સિક્વલ છે. તાજેતરમાં રિલીઝ થયેલી ફિલ્મ 'રેડ 2' એ સિનેમા પ્રેમીઓને ખરેખર પ્રભાવિત કર્યા છે. આ ફિલ્મે પહેલા દિવસથી જ બોક્સ ઓફિસ પર કરોડોની કમાણી શરૂ કરી દીધી છે. હવે ફિલ્મનો સાત દિવસનો બોક્સ ઓફિસ કલેક્શન જાહેર થઈ ગયો છે. ફિલ્મ 'રેડ-2' એ રિલીઝ પહેલા જ એડવાન્સ બુકિંગથી સારી કમાણી કરી હતી. આ પછી, ફિલ્મે પહેલા દિવસે શાનદાર ઓપનિંગ કર્યું અને બોક્સ ઓફિસ પર પ્રભુત્વ મેળવ્યું. તેણે રિલીઝના 7મા દિવસે ₹ 4.50 કરોડની કમાણી કરી છે. સૈકનીલ્કના અહેવાલ મુજબ, ફિલ્મે અત્યાર સુધીમાં 90.25 કરોડ રૂપિયાની કમાણી કરી છે. અજય દેવગનની આ ફિલ્મ ચાવા, સ્કાય ફોર્સ અને સિકંદર પછી વર્ષની ચોથી સૌથી વધુ કમાણી કરનારી ફિલ્મ બની ગઈ છે.

દરમિયાન, ફિલ્મ 'રેડ 2'માં રિતેશ દેશમુખ, અજય દેવગન, વાણી કપૂર, સૌરભ શુક્લા મુખ્ય ભૂમિકામાં છે. ફિલ્મમાં અજય દેવગન ઓફિસર અમેય પટનાયકની ભૂમિકામાં જોવા મળી રહ્યા છે. રિતેશ દેશમુખ ખલનાયકની ભૂમિકા ભજવી રહ્યા છે.

હિન્દુસ્થાન સમાચાર / લોકેશ ચંદ્ર દુબે / સુનિત નિગમ

હિન્દુસ્થાન સમાચાર / માધવી વ્યાસ