નવી દિલ્હી, 14 જુલાઈ (હિ.સ.) કેન્દ્રીય સામાજિક ન્યાય અને સશક્તિકરણ

મંત્રાલય મંગળવારે ઉત્તર પ્રદેશના બદાયૂંમાં સરકારી મેડિકલ કોલેજ ખાતે ૭૫મા

પ્રધાનમંત્રી દિવ્યાંગ કેન્દ્ર (પીએમડીકે)નું ઉદ્ઘાટન કરશે. સરકારી પ્રવક્તાના જણાવ્યા અનુસાર, કેન્દ્રીય

સામાજિક ન્યાય અને સશક્તિકરણ રાજ્યમંત્રી બીએલ વર્મા, મંત્રાલયના

વરિષ્ઠ અધિકારીઓ, ભારતીય કૃત્રિમ

અંગ ઉત્પાદન નિગમના પ્રતિનિધિઓ, જિલ્લા વહીવટ પણ ઉદ્ઘાટન સમારોહમાં હાજર રહેશે.

આ કેન્દ્રના ઉદ્ઘાટન સાથે, સમગ્ર ભારતમાં કાર્યરત પીએમડીકેની કુલ સંખ્યા 75

સુધી પહોંચી જશે. 1.4૦ લાખથી વધુ વ્યક્તિઓ પીએમડીકેનો લાભ મેળવી

ચૂક્યા છે જેનો ખર્ચ 179.15 લાખ રૂપિયાથી વધુ છે.

પ્રધાનમંત્રી દિવ્યાંગ કેન્દ્ર એક અનોખી પહેલ છે, જેનો હેતુ

દિવ્યાંગજન અને વૃદ્ધોને એક જ છત નીચે મૂલ્યાંકન, પરામર્શ, વિતરણ અને સંભાળ સહિત સંકલિત સેવાઓ પૂરી પાડવાનો છે. આ

કેન્દ્રો એએલઆઇએમસીઓ દ્વારા સ્થાપિત કરવામાં આવી રહ્યા છે, જે દિવ્યાંગ

વ્યક્તિઓના સશક્તિકરણ વિભાગ હેઠળ એક કેન્દ્રીય જાહેર ક્ષેત્રના ઉપક્રમ છે.

બદાયુમાં નવી સ્થાપિત પીએમડીકે દિવ્યાંગજન માટે એડીઆઈપી

યોજના અને વરિષ્ઠ નાગરિકો માટે રાષ્ટ્રીય વયોશ્રી યોજના (આરવીવાય) હેઠળ વૃદ્ધોને

સહાયક ઉપકરણો પૂરા પાડશે. આ કેન્દ્રોમાં પાત્ર લાભાર્થીઓને ટ્રાઇસાઇકલ, વ્હીલચેર, શ્રવણ સાધન, વોકર્સ, કૃત્રિમ અંગો અને

ગતિશીલતા સહાય જેવા ઉપકરણો મફતમાં પૂરા પાડવામાં આવશે. આ કેન્દ્ર સ્થાનિક

લાભાર્થીઓ દ્વારા સામનો કરવામાં આવતી મુસાફરી અને લોજિસ્ટિકલ પડકારોને નોંધપાત્ર

રીતે ઘટાડશે તેવી અપેક્ષા છે, જેનાથી તેમને પ્રાદેશિક સ્તરે સુલભ, પ્રતિષ્ઠિત અને

સમયસર સેવાઓ પૂરી પાડશે.

હિન્દુસ્થાન સમાચાર / વિજયાલક્ષ્મી / પવન કુમાર

હિન્દુસ્થાન સમાચાર / માધવી વ્યાસ