
નવી દિલ્હી, 18 નવેમ્બર (હિ.સ.) અઠવાડિયાના ત્રીજા કારોબારી દિવસે સ્થાનિક શેરબજાર લાલ નિશાન પર ખુલ્યું. સેન્સેક્સ અને નિફ્ટીમાં સતત બે દિવસની તેજી બાદ રોકાણકારોની નફાખોરીથી શરૂઆતી કારોબારમાં ઘટાડો નોંધાયો. સેન્સેક્સમાં 429 અંક અને નિફ્ટીમાં 141 અંકોનો ઘટાડો છે.
હાલમાં બોમ્બે સ્ટોક એક્સચેન્જ બીએસઈનો સેન્સેક્સ શરૂઆતી કારોબારમાં 429.22 અંક એટલે કે 0.52 ટકાના ઘટાડા સાથે 82,102.97 ના સ્તર પર કારોબાર કરી રહ્યો છે. બીજી તરફ, નેશનલ સ્ટોક એક્સચેન્જ (એનએસઈ) નો નિફ્ટી 141.25 અંક એટલે કે 0.56 ટકા તૂટીને 25,246.15 ના સ્તર પર ટ્રેન્ડ કરી રહ્યો છે. સેન્સેક્સમાં સમાવિષ્ટ 30 કંપનીઓમાંથી ટાટા કન્સલ્ટન્સી સર્વિસીસ, ટાઇટન, એશિયન પેઇન્ટ્સ, બજાજ ફિનસર્વ, બજાજ ફાઇનાન્સ અને ટાટા સ્ટીલના શેર સૌથી વધુ નુકસાનમાં રહ્યા. જ્યારે મારુતિ, અલ્ટ્રાટેક સિમેન્ટ, મહિન્દ્રા એન્ડ મહિન્દ્રા અને આઈસીઆઈસીઆઈ બેંકના શેરમાં તેજી જોવા મળી રહી છે.
બીએસઈનો સેન્સેક્સ 17 નવેમ્બર સુધી આ મહિનામાં આશરે 11 ટકા અને એનએસઈનો નિફ્ટી 10 ટકાથી વધુ વધ્યો છે. આ સાથે જ એશિયાઈ બજારોમાં દક્ષિણ કોરિયાનો કોસ્પી અને જાપાનનો નિક્કી 225 સૂચકાંક વધારા સાથે કારોબાર કરી રહ્યા છે, જ્યારે ચીનનો એસએસઈ કમ્પોઝિટ અને હોંગકોંગનો હેંગસેંગ ઘટાડામાં રહ્યા. આ ઉપરાંત આંતરરાષ્ટ્રીય તેલ માનક બ્રેન્ટ ક્રૂડ ઓઈલનો ભાવ વાયદા બજારમાં 0.69 ટકા ઘટીને 92.53 ડોલર પ્રતિ બેરલ પર છે. ઉલ્લેખનીય છે કે એક દિવસ પહેલા મંગળવારે બીએસઈનો 30 શેરો પર આધારિત માનક સૂચકાંક સેન્સેક્સ 427.40 અંક એટલે કે 0.52 ટકા ઉછળીને 82,532.19 અંકના સ્તર પર બંધ થયો હતો. જ્યારે એનએસઈનો 50 શેરો પર આધારિત નિફ્ટી પણ 96.30 અંક એટલે કે 0.38 ટકાના વધારા સાથે 25,387.40 અંક પર બંધ થયો હતો.
હિન્દુસ્થાન સમાચાર / પ્રજેશ શંકર / મુકુંદ
હિન્દુસ્થાન સમાચાર / ડો.હિતેશ એન.વ્યાસ