પાટણ, 13 માર્ચ (હિ.સ.)ચાણસ્મા નગરપાલિકા દ્વારા 16 માર્ચે નગરપાલિકા સામે શહેરી કક્ષાના સેવા સેતુ કાર્યક્રમનું આયોજન કરવામાં આવ્યું છે. ‘સરકાર તમારા દ્વારે’ પહેલ અંતર્ગત યોજાતા આ કાર્યક્રમનો મુખ્ય હેતુ નગરજનોને સરકારી યોજનાઓની માહિતી આપવાનો અને તેમના કામો નજીકમાં જ પૂર્ણ થાય તે સુનિશ્ચિત કરવાનો છે.

આ સેવા સેતુ કાર્યક્રમમાં આધારકાર્ડ, પાનકાર્ડ અને રેશનકાર્ડમાં નામ સુધારા-વધારા સહિત વિવિધ આરોગ્યલક્ષી યોજનાઓના કાર્ડ સંબંધિત કામગીરી કરવામાં આવશે. સાથે સાથે નગરજનોને વિવિધ સરકારી યોજનાઓ અંગે માર્ગદર્શન પણ આપવામાં આવશે.

ચાણસ્મા નગરપાલિકાના પ્રમુખ પ્રતિક્ષાબેન પટેલે નગરજનોને આ કાર્યક્રમનો લાભ લેવા તેમજ જરૂરી દસ્તાવેજો સંબંધિત કામો માટે હાજર રહેવા અપીલ કરી છે.

હિન્દુસ્થાન સમાચાર / હાર્દિક રાઠોડ