અમરેલી,28 માર્ચ (હિ.સ.)

અમરેલી જિલ્લાના જાફરાબાદ પોલીસ સ્ટેશનમાં નોંધાયેલા ફ્રોડના ગુનામાં ફરાર થયેલા બે આરોપીઓને પોલીસે સફળ કામગીરી કરીને રાજસ્થાનમાંથી ઝડપી પાડ્યા છે. આરોપીઓ દેવાંશુ વિનોદ અને અમીરચંદ લાંબા સમયથી પોલીસને ચકમો આપી રહ્યા હતા અને રાજ્ય બહાર છુપાઈને રહેતા હતા.

જાફરાબાદ પોલીસે ટેકનિકલ સર્વેલન્સ અને ગુપ્ત માહિતીના આધારે રાજસ્થાનમાં તેમની હલચાલ પર નજર રાખી હતી. ચોક્કસ માહિતી મળતા જ પોલીસની ટીમ તાત્કાલિક રાજસ્થાન પહોંચી અને બંને આરોપીઓને ઝડપવામાં સફળ રહી. પોલીસે તેમને કસ્ટડીમાં લઈને વધુ પૂછપરછ શરૂ કરી છે.

પ્રાથમિક તપાસ મુજબ આરોપીઓએ લોકો સાથે છેતરપિંડી કરીને નાણાં પડાવ્યા હોવાની માહિતી સામે આવી છે. પોલીસ હવે આ કેસમાં વધુ લોકો સંડોવાયેલા છે કે નહીં તેની પણ તપાસ કરી રહી છે.

આ સફળ કાર્યવાહી બદલ સ્થાનિક લોકોમાં પોલીસ પ્રત્યે વિશ્વાસ વધ્યો છે અને આવા ગુનાઓ પર કાબૂ મેળવવા માટે પોલીસની કામગીરીને સરાહના મળી રહી છે.

---------------

હિન્દુસ્થાન સમાચાર / Gondaliya Abhishek Nandrambhai