ભાવનગર, 31 માર્ચ (હિ.સ.)ભાવનગર શહેરના કુંભારવાડા વિસ્તારમાં જાહેરમાં જુગાર રમતા ચાર ઈસમોને બોર તળાવ પોલીસે ઝડપી પાડતા વિસ્તારમાં ચકચાર મચી ગઈ છે. મળતી માહિતી મુજબ, બોર તળાવ પોલીસ દ્વારા નિયમિત પેટ્રોલિંગ દરમિયાન મળેલી બાષ્પીના આધારે આ કાર્યવાહી હાથ ધરવામાં આવી હતી.પોલીસ સૂત્રોના જણાવ્યા અનુસાર, નારી રોડ પર આવેલ લાલ કારખાનાની પાછળની ખુલ્લી જગ્યામાં કેટલાક ઈસમો જાહેરમાં પૈસાની હારજીત સાથે જુગાર રમતા હોવાની માહિતી મળી હતી. જેના આધારે પોલીસ તાત્કાલિક સ્થળ પર પહોંચી અને દરોડો પાડતા ચાર આરોપીઓને રંગેહાથ ઝડપી પાડવામાં આવ્યા હતા.આ દરમિયાન પોલીસ દ્વારા આરોપીઓ પાસેથી કુલ રૂપિયા 5,370 જેટલો મુદ્દામાલ કબજે કરવામાં આવ્યો હતો. જેમાં રોકડ રકમ તેમજ જુગાર રમવામાં ઉપયોગમાં લેવાતા સાધનોનો સમાવેશ થાય છે. પોલીસે તમામ આરોપીઓ વિરુદ્ધ ગુનો નોંધી આગળની કાયદેસરની કાર્યવાહી શરૂ કરી છે.સ્થાનિક પોલીસ દ્વારા જાહેરમાં જુગાર જેવી ગેરકાયદેસર પ્રવૃત્તિઓ પર રોક લગાવવા માટે સતત પેટ્રોલિંગ અને ચેકિંગ કરવામાં આવી રહ્યું છે. આવા બનાવો સામે કડક કાર્યવાહી કરવામાં આવશે તેવી પણ પોલીસે ચેતવણી આપી છે.આ ઘટનાથી વિસ્તારમાં રહેવાસીઓમાં સુરક્ષાની લાગણી મજબૂત બનતી જોવા મળી છે. પોલીસે લોકોને પણ અપીલ કરી છે કે કોઈપણ ગેરકાયદેસર પ્રવૃત્તિ અંગે તરત જ જાણ કરવા આગળ આવે, જેથી સમયસર પગલાં લઈ કાયદો અને વ્યવસ્થા જાળવી શકાય.

---------------

હિન્દુસ્થાન સમાચાર / GONDALIYA DISHANT