પાટણ, 18 એપ્રિલ (હિ.સ.)પાટણ જિલ્લામાં ચાલુ શૈક્ષણિક સત્ર માટે Right to Education હેઠળ ધોરણ 1માં ખાનગી શાળાઓમાં મફત પ્રવેશ માટે અરજીઓ મંગાવવામાં આવી રહી છે. જિલ્લામાં કુલ 103 શાળાઓમાં 895 બેઠકો ઉપલબ્ધ છે. અત્યાર સુધીમાં 2650 અરજીઓ મળી છે, જેમાંથી 700 અરજીઓ વિવિધ કારણોસર રદ કરવામાં આવી છે અને 1750 અરજીઓને મંજૂરી આપવામાં આવી છે.

અરજી કરવાની છેલ્લી તારીખ પહેલા 17 એપ્રિલ હતી, પરંતુ હવે તેને લંબાવીને 23 એપ્રિલ કરવામાં આવી છે. અધિકારીઓના જણાવ્યા મુજબ, 23 એપ્રિલ પછી કુલ અરજીઓની ચોક્કસ સંખ્યા જાણી શકાશે.

ગત વર્ષે 1077 બેઠકો સામે 963 વિદ્યાર્થીઓને પ્રવેશ આપવામાં આવ્યો હતો, જ્યારે 45 અરજીઓ રદ કરવામાં આવી હતી.

હિન્દુસ્થાન સમાચાર / હાર્દિક રાઠોડ