પોરબંદર, 02 એપ્રિલ (હિ.સ.)પોરબંદર સ્થિત કોસ્ટગાર્ડ જેટી ખાતે આજે ચેન્નઈથી પટ્રોલીંગ તથા યુધ્ધ જહાજ શાર્યેનુ કોસ્ટગાર્ડ ડીઆઇજી સહિતના અધિકારીઓની ઉપસ્થિતિ મ્યુઝિકલ બેન્ડ સાથે આજે સ્વાગત કરવામાં આવ્યુ છે જેથી હવે ગુજરાત કોસ્ટગાર્ડની શક્તિમાં વધારો થયો છે પોરબંદર પાસે હવે આ ચોથું લડાકુ જહાજનો ઉમેરો થતાં દરિયાઇ સુરક્ષામા વધારો થયો છે શાર્યે જહાજનું સાત વર્ષ પુર્વે ગોવામા કમિશન થયા બાદ ચેન્નઈ ખાતે મુકાયુ હતુ.

ભારતીય કોસ્ટ ગાર્ડ જહાજ (ICGS) શૌર્યને આજે 01 એપ્રિલ 2026 ના રોજ ચેન્નાઈથી પોરબંદરમાં ફરીથી ગોઠવવામાં આવ્યું છે, જે ગુજરાતના મહત્વપૂર્ણ દરિયાકાંઠે ભારતીય કોસ્ટગાર્ડની કાર્યકારી ક્ષમતામાં વધારો કરે છે. ગોવા શિપયાર્ડ લિમિટેડ દ્વારા સ્વદેશી રીતે ડિઝાઈન અને નિર્માણ કરાયેલ આ જહાજ આશરે 105 મીટર લંબાઈ અને 13.6 મીટર પહોળાઈ ધરાવે છે આધુનિક નેવિગેશન, કોમ્યુનિકેશન અને સર્વેલન્સ સિસ્ટમ્સ, ઈન્ટિગ્રેટેડ પ્લેટફોર્મ મેનેજમેન્ટ સિસ્ટમ્સથી સજ્જ, ICGS શૌર્ય CRN-91 મુખ્ય આર્મમેન્ટ ગનથી સજ્જ છે આ જહાજમાં 18 ઓફીસરોની સાથે 108 જવાનો ફરજ બજાવી રહ્યા છે આ જહાજ ધ્રુવ જેવા ટ્વીન એન્જિન હેલોને ઉડાડવા અને ઝડપી પ્રતિભાવ કામગીરી માટે હાઈ સ્પીડ બોટ તૈનાત કરવા સક્ષમ છે. મલ્ટી મિશન પ્લેટફોર્મ તરીકે ડિઝાઈન કરાયેલ, આ જહાજ દરિયાઈ દેખરેખ, શોધ અને બચાવ, દાણચોરી વિરોધી અને કાયદા અમલીકરણ કામગીરી હાથ ધરશે અને દરિયાઈ પર્યાવરણ સંરક્ષણમાં યોગદાન આપશે. પોરબંદરમાં ICGS શૌર્યનું ગુજરાતના દરિયાકાંઠે દરિયાકાંઠાની અને અપતટીય સુરક્ષાને મજબૂત બનાવશે, અરબી સમુદ્રમાં દેખરેખ વધારશે, રાષ્ટ્રીય દરિયાઈ હિતોનું રક્ષણ કરવા માટે પ્રતિભાવ ક્ષમતામાં સુધારો કરશે અને ગુજરાતના દરિયાકાંઠે કાર્યરત આપણા માછીમારોના હિતોનું રક્ષણ કરશે ગુજરાત કોસ્ટગાર્ડ પાસે કુલ પાંચ આ પ્રકારના જહાજનો સામેલ છે જેમાંથી પોરબંદર સ્થિત ભારતીય કોસ્ટગાર્ડ પાસે ચાર જહાજો થયા છે જેથી ગુજરાત દરિયાઈ સુરક્ષા વધુ મજબુત બનશે.

---------------

હિન્દુસ્થાન સમાચાર / Tejas Pravinbhai Dholariya