ભાવનગર, 03 એપ્રિલ (હિ.સ.) : શ્રી ખેતીવાડી ઉત્પન્ન બજાર સમિતિ, મહુવા દ્વારા લાલ તથા સફેદ કાંદાની આવક અંગે મહત્વપૂર્ણ જાહેર જાણ બહાર પાડવામાં આવી છે. હાલ હવામાન વિભાગ દ્વારા વરસાદની શક્યતાઓ દર્શાવવામાં આવી રહી છે, તેમજ યાર્ડમાં પહેલેથી જ સફેદ કાંદાનો મોટા પ્રમાણમાં ભરાવો થવાને કારણે વેચાણ બાકી રહેલું છે. આ પરિસ્થિતિને ધ્યાનમાં રાખીને બજાર સમિતિએ તાત્કાલિક નિર્ણય લીધો છે.

જાહેર જાણ મુજબ આવતીકાલે તારીખ 3 એપ્રિલ 2026, શુક્રવારના રોજ સવારના 9:00 વાગ્યાથી મહુવા માર્કેટિંગ યાર્ડમાં લાલ તેમજ સફેદ કાંદાની આવક સંપૂર્ણ રીતે બંધ રાખવામાં આવશે. આ નિર્ણયનો મુખ્ય હેતુ યાર્ડમાં પહેલાથી જ આવેલા કાંદાના જથ્થાનું યોગ્ય રીતે વેચાણ થઈ શકે તેમજ વરસાદને કારણે માલને નુકસાન ન થાય તે છે.બજાર સમિતિએ ખેડૂતભાઈઓ તથા કમિશન એજન્ટોને ખાસ સૂચના આપી છે કે તેઓ કાંદાની આવક માટે યાર્ડમાં ન આવે અને આ નિર્ણયનું પાલન કરે. આ સાથે, બજારમાં ગેરવ્યવસ્થા ન સર્જાય તેમજ વેપાર પ્રણાલી સરળતાથી ચાલુ રહી શકે તે માટે સૌનો સહકાર આવશ્યક ગણાવ્યો છે.આ પ્રતિબંધ સમયસર માટે જ લાગુ કરવામાં આવ્યો છે. ત્યારબાદ તારીખ 5 એપ્રિલ 2026, રવિવારના રોજ સાંજના 6:00 વાગ્યાથી ફરીથી કાંદાની આવક શરૂ કરવામાં આવશે અને આગામી દિવસ સવારના 9:00 વાગ્યા સુધી રાબેતા મુજબ આવકને પ્રવેશ આપવામાં આવશે.બજાર સમિતિએ તમામ લાગતા વળગતા પક્ષોને આ જાહેર જાણની નોંધ લઈને આયોજન મુજબ કામગીરી કરવા વિનંતી કરી છે. ખેડૂતોને ખાસ કરીને આગાહી રાખી યોગ્ય સમયે જ પોતાના માલને યાર્ડમાં લાવવા માટે સૂચના આપવામાં આવી છે જેથી તેઓને અનાવશ્યક મુશ્કેલીઓનો સામનો ન કરવો પડે.આ નિર્ણયથી યાર્ડમાં વ્યવસ્થા જળવાઈ રહેશે અને વેપાર પ્રવાહમાં પણ સરળતા રહેશે તેવી આશા વ્યક્ત કરવામાં આવી છે.

---------------

હિન્દુસ્થાન સમાચાર / GONDALIYA DISHANT