નવી દિલ્હી, 02 મે (હિ.સ). પશ્ચિમ એશિયામાં ચાલી રહેલા સંકટ અને તેલની વધતી કિંમતો વચ્ચે અત્યંત ઓછી કિંમતવાળી અમેરિકન એરલાઇન્સ કંપની સ્પિરિટ એરલાઇને 34 વર્ષ પછી પોતાની કામગીરી તાત્કાલિક અસરથી બંધ કરવાની જાહેરાત કરી છે. કંપનીએ તેની તમામ ઉડાનો રદ કરી દીધી છે અને ગ્રાહક સેવા બંધ કરી દેવામાં આવી છે. એરલાઇનના આ પગલાથી 17 હજાર લોકોની નોકરીઓ જવાનું જોખમ છે.

સ્પિરિટ એરલાઇન્સે શનિવારે જારી કરેલા નિવેદનમાં જણાવ્યું હતું કે, તેની તમામ ઉડાનો રદ કરી દેવામાં આવી છે, કારણ કે વ્હાઇટ હાઉસ પાસેથી સંભવિત આર્થિક સહાય (બેલઆઉટ) ન મળ્યા બાદ તેણે તેની કામગીરીને વ્યવસ્થિત રીતે બંધ કરવાનું શરૂ કરી દીધું છે, જે તાત્કાલિક અસરથી લાગુ છે. એરલાઇને કહ્યું કે સ્પિરિટની તમામ ઉડાનો રદ કરવામાં આવી છે.

સ્પિરિટ એવિએશન હોલ્ડિંગ્સ, ઇન્ક., જે સ્પિરિટ એરલાઇન્સની મૂળ કંપની છે, તેણે 500 મિલિયન ડોલરની બચાવ ડીલ હાંસલ કરવામાં નિષ્ફળ રહ્યા પછી પોતાનું કામકાજ બંધ કરી દીધું છે.

વાસ્તવમાં, બળતણની વધતી કિંમતો અને ઈરાન યુદ્ધની અસરને કારણે કંપની પહેલાથી જ આર્થિક સંકટ અને નાદારીનો સામનો કરી રહી હતી. આ કામગીરી બંધ થવાથી આશરે 17 હજાર કર્મચારીઓની નોકરીઓ પર અસર પડી શકે છે અને ઉડ્ડયન ક્ષેત્રમાં સ્પર્ધા ઘટવાની આશંકા છે.

મીડિયા રિપોર્ટ અનુસાર, સ્પિરિટ એરલાઇન્સે આજે ખેદ સાથે જાહેરાત કરી છે કે, કંપનીએ તેની કામગીરી વ્યવસ્થિત રીતે બંધ કરવાનું શરૂ કરી દીધું છે, જે તાત્કાલિક અસરથી લાગુ છે. જેના કારણે ટિકિટના ભાવમાં વધારો થયો છે અને મુસાફરોને પણ મુશ્કેલીનો સામનો કરવો પડી રહ્યો છે. તેના પરિણામો દેખાવા લાગ્યા છે, હવાઈ ભાડા વધી રહ્યા છે અને બીજી એરલાઇન્સ આ વધેલી માંગને પૂરી કરવા માટે આગળ આવી રહી છે.

હિન્દુસ્થાન સમાચાર / પ્રજેશ શંકર / સંજીવ પાશ

હિન્દુસ્થાન સમાચાર / ડો.હિતેશ એન.વ્યાસ