નવી દિલ્હી, 06 મે (હિ.સ.) કેન્દ્ર સરકારે, શશિ શેખર વેમ્પતિને કેન્દ્રીય ફિલ્મ પ્રમાણન બોર્ડ (સીબીએફસી) ના નવા અધ્યક્ષ તરીકે નિયુક્ત કર્યા છે.

માહિતી અને પ્રસારણ મંત્રાલયના જણાવ્યા અનુસાર, શશિ શેખર વેમ્પતિ ત્રણ વર્ષના સમયગાળા માટે આ પદ પર કાર્યભાર સંભાળશે.

આ નિમણૂક પ્રસૂન જોશીના પદ છોડ્યા બાદ કરવામાં આવી છે. પ્રસૂન જોશીને તાજેતરમાં પ્રસાર ભારતીના અધ્યક્ષ બનાવવામાં આવ્યા છે, જેના કારણે તેમણે સીબીએફસી પ્રમુખનું પદ છોડ્યું છે.

શશિ શેખર વેમ્પતિ મીડિયા, પ્રસારણ અને જાહેર સંચારના ક્ષેત્રમાં લાંબો અનુભવ ધરાવે છે. આ પહેલા તેઓ પ્રસાર ભારતીના મુખ્ય કાર્યકારી અધિકારી (સીઈઓ) પણ રહી ચૂક્યા છે.

કેન્દ્રીય ફિલ્મ પ્રમાણન બોર્ડ સામાન્ય રીતે સેન્સર બોર્ડ તરીકે ઓળખાય છે, જે ભારત સરકારના માહિતી અને પ્રસારણ મંત્રાલય હેઠળની એક વૈધાનિક સંસ્થા છે. તે ચલચિત્ર અધિનિયમ 1952 હેઠળ ફિલ્મો, જાહેરાતો અને ટીવી સામગ્રીના જાહેર પ્રદર્શનને પ્રમાણિત કરે છે. એટલે કે તે દેશમાં ફિલ્મોને પ્રમાણિત કરનારી મુખ્ય સંસ્થા છે, જે નક્કી કરે છે કે કોઈ ફિલ્મ કઈ શ્રેણીમાં રિલીઝ થશે.

હિન્દુસ્થાન સમાચાર / વિજયાલક્ષ્મી / સુનીત નિગમ

હિન્દુસ્થાન સમાચાર / માધવી વ્યાસ