નવી દિલ્હી, 13 જૂન (હિ.સ.). ઓમાનના દરિયાકાંઠે લિયાકી ફ્રીડમ જહાજ પર હુમલા અને ભારતીય નાવિકોના મોતના અહેવાલોને ભારત સરકારે સંપૂર્ણપણે ખોટા ગણાવ્યા છે. વિદેશ મંત્રાલયે સ્પષ્ટ કર્યું છે કે જહાજ પર સવાર ક્રૂના તમામ સભ્યો સુરક્ષિત છે. મંત્રાલયે મીડિયાના એ અહેવાલોને નકારી કાઢ્યા છે, જેમાં દાવો કરવામાં આવ્યો હતો કે અમેરિકી હુમલામાં આ જહાજ પર સવાર ભારતીય નાવિકો માર્યા ગયા છે.

વિદેશ મંત્રાલયે તેના સત્તાવાર નિવેદનમાં જણાવ્યું છે કે, તેમણે લિયાકી ફ્રીડમ જહાજના માસ્ટર સાથે વાત કરી છે, જેમણે પુષ્ટિ કરી છે કે ક્રૂના તમામ સભ્યો સુરક્ષિત છે અને જણાવવામાં આવેલી માહિતી ખોટી છે.

આ અગાઉ, ભારતીય જહાજો પર અમેરિકી હુમલા અંગે વિદેશ મંત્રી ડૉ. એસ. જયશંકરે શનિવારે વહેલી સવારે અમેરિકી વિદેશ મંત્રી માર્કો રુબિયો સાથે ફોન પર વાત કરી હતી અને ખાડી વિસ્તારમાં અમેરિકી નૌકાદળ દ્વારા કરવામાં આવેલા હુમલામાં ત્રણ ભારતીય નાવિકોના મોત અંગે ભારતનો સખત વિરોધ નોંધાવ્યો હતો.

જયશંકરે 'એક્સ' પર લખ્યું, “આજે સાંજે અમેરિકી વિદેશ મંત્રી માર્કો રુબિયો સાથે વાત કરી. ખાડીમાં અમેરિકી નૌકાદળના હુમલામાં ત્રણ ભારતીય નાવિકોના મોત પર ભારતનો સખત વિરોધ નોંધાવ્યો છે. વ્યાપારી જહાજો પર આવી ઘાતક કાર્યવાહી યોગ્ય નથી.”

હિન્દુસ્થાન સમાચાર / પ્રશાંત શેખર / સંજીવ પાશ

હિન્દુસ્થાન સમાચાર / ડો.હિતેશ એન.વ્યાસ