- સંરક્ષણ મંત્રી દેશના દરિયાઈ દ્રષ્ટિકોણ અને નૌકાદળ પાસેથી પોતાનું વિઝન અને માર્ગદર્શન શેર કરશે

નવી દિલ્હી, 28 સપ્ટેમ્બર (હિ.સ.) વર્ષમાં બે વાર યોજાતી નૌકાદળના કમાન્ડરોની કોન્ફરન્સ ત્રણ દિવસ માટે 29 સપ્ટેમ્બરથી નવી દિલ્હીના નૌકાદળ ભવનમાં યોજાશે. નૌકાદળના સર્વોચ્ચ નેતૃત્વ સ્તરે યોજાનારી આ કોન્ફરન્સમાં વરિષ્ઠ અધિકારીઓ ૦૧ ઓક્ટોબર સુધી સૈન્ય વ્યૂહાત્મક સ્તરે ઓપરેશનલ તૈયારીઓની સમીક્ષા કરશે. આ કોન્ફરન્સમાં સંસ્થાકીય પ્રણાલી દ્વારા વરિષ્ઠ નૌકાદળ નેતૃત્વ જોડાશે, જેમાં આઉટસ્ટેશન ઓપરેશનલ અને એરિયા કમાન્ડરનો સમાવેશ થાય છે.

નૌકાદળના કેપ્ટન વિવેક મધવાલે જણાવ્યું કે, આ કોન્ફરન્સ પશ્ચિમ એશિયામાં ચાલી રહેલા સંઘર્ષો વચ્ચે ભારતના દરિયાઈ હિતોની સુરક્ષામાં નૌકાદળના યોગદાનને દર્શાવવામાં મહત્વપૂર્ણ રહેશે, જેમાં 'ઊર્જા સુરક્ષા'નો પણ સમાવેશ થાય છે. આ સંમેલન દ્વારા નૌકાદળના ચાલી રહેલા ઓપરેશન ઊર્જા સુરક્ષાને મજબૂતીથી ચલાવવા અને ભરોસાપાત્ર દરિયાઈ શક્તિ તરીકે ઉભરી આવવા, હિંદ મહાસાગર ક્ષેત્ર અને તેનાથી આગળ 'પસંદગીના સુરક્ષા ભાગીદાર' તરીકે નૌકાદળની હેસિયત વધુ મજબૂત થશે.

કોન્ફરન્સના પહેલા દિવસે સંરક્ષણ મંત્રી દેશના દરિયાઈ દ્રષ્ટિકોણ અને નૌકાદળ પાસેથી અપેક્ષાઓ પર પોતાનું વિઝન અને માર્ગદર્શન શેર કરશે. ચીફ ઓફ ડિફેન્સ સ્ટાફ અને ચીફ ઓફ આર્મી સ્ટાફ પણ ત્રણેય સેનાઓ વચ્ચે તાલમેલ અને એકીકરણને પ્રોત્સાહન આપવા માટે નેવલ કમાન્ડરો સાથે વાતચીત કરશે. આગામી દિવસોમાં નૌકાદળ પ્રમુખ કમાન્ડરો સાથે ઓપરેશન્સ, મટિરિયલ, લોજિસ્ટિક્સ, રાહત અને બચાવ, તાલીમ, AI, બિગ ડેટા એનાલિસિસ, ઓટોનોમસ/અનક્રુડ સિસ્ટમ અને સાયબર ઓપ્સ જેવી ખાસ ટેકનોલોજીનો સમાવેશ કરવા જેવા ખાસ ફોકસ એરિયાની સમીક્ષા કરશે, જેનાથી કટિંગ-એજ વોર ફાઇટિંગ કોન્સેપ્ટ અપનાવવા અને ટેકનોલોજીને ઝડપથી અપનાવવાની જરૂરિયાત પર ભાર મૂકવામાં આવશે.

તેમણે જણાવ્યું કે મોટા પાયે નૌકાદળ નેતૃત્વ ભારત સરકારના આત્મનિર્ભરતા અને વિકસિત ભારત-૨૦૪૭ના વિઝનને પૂર્ણ કરવા માટે જોઈન્ટનેસ, આત્મનિર્ભરતા, ઇનોવેશનના ત્રણ મૂળભૂત પિલર મુજબ ફોર્સ લેવલને અનુકૂલિત કરવા અને યુદ્ધની તૈયારી વધારવા માટે સંપૂર્ણ તૈયારીનું આકલન કરશે. ભારતીય નૌકાદળ દેશની સેવામાં યુદ્ધ માટે તૈયાર, ભરોસાપાત્ર, એકજુટ અને ભવિષ્ય માટે તૈયાર ફોર્સ તરીકે પોતાના માર્ગ પર મજબૂતીથી કામ કરતા ઓપરેશનની ઝડપી ગતિ જાળવી રાખી છે.

હિન્દુસ્થાન સમાચાર / સુનીત નિગમ

હિન્દુસ્થાન સમાચાર / માધવી વ્યાસ